Í horninu þar sem stúkan og byggingin með inniklefunum mætast, þar sem áður var aðalinngangur laugarinnar (sjá merkingu á mynd), er kjörinn staður til að koma fyrir hvort tveggja sánu (þurrgufu) *og* vatnsgufu, með stórum gluggum, svo virða megi fyrir sér laugarsvæðið úr notalegheitunum.
Stóran hluta af árinu er dagsbirta af skornum skammti hér á landi og því vert að leitast við að fjölga tækifærum til að njóta hennar; til dæmis með því að hafa þurr- og vatnsgufu í björtum rýmum með fallegu útsýni á laugarsvæðið. Dæmi um bjartan og rúmgóðan sánuklefa við almenningslaug í Danmörku má sjá hér: https://goo.gl/maps/hckDe2ggaWN2 , þar var meðal annars boðið upp á saunagus tíma, sem væri líka ánægjulegt að fá hingað.
Þessi hugmynd var sameinuð við hugmyndina „Alvöru sauna í Laugardalslaug“ og er í kosningu.
This content is created by the open source Your Priorities citizen engagement platform designed by the non profit Citizens Foundation