Taka niður stíflustefnustangirnar á gatnamótum Hofsvallagötu

Taka niður stíflustefnustangirnar á gatnamótum Hofsvallagötu

Endilega hjálpið mér að taka niður stífu-stefnu-stangirnar við gatnamótin Hofsvallagata / Hringbraut. Taka niður plaststangirnar, sem varna því að gerlegt sé að beygja til hægri, í austurátt á Hringbrautinni. Ef bíll ætlar að beygja til vinstri, í vesturátt, þá verður hann að bíða eftir því að bílar í suðurátt á Hofsvallagötunni séu búnir að koma sér yfir ljósin á Hofsvallagötunni / Hringbraut og oft myndast löng röð ef margir ætla að beygja til vinstri.

Points

Taka niður paststangirnar, sem varna því að gerlegt sé að beygja til hægri í austurátt á Hringbrautinni. Ef bíll ætlar að beygja til vinstri í vesturátt, þá verður hann að bíða eftir því að bílar í suðurátt á Hofsvallagötunni séu búnir að koma sér yfir ljósin á Hofsvallagötunni / Hringbraut. Á meðan kemst enginn bíll til að beygja til hægri á ljósunum í austurátt á Hringbrautinni. Þarna tapast stundum ein til 2 ljós, þegar biðröðin er löng. Í stað þess gætu bílar beygt óhindrað í austurátt.

I've yet to see a single cylist use this, especially in winter when it's iced over and unusable. It gets in the way and slows down traffic.

Þetta gerir meira ógagn en gagn. Það er alveg ljóst. Þetta orsakar mikla töf á bílaumferð þarna, en það sést varla nokkurn tíma hjólreiðarmaður . Þó er ég mjög hlynnt því að bæta umferð fyrir hjólandi - en ekki þó þarna.

Ekki góð hugmynd og aðeins til þess fallin að auka umferðarhraða á Hofsvallagötu. Frekar þarf að afmarka hjólareinina betur eins og lagt er til hér að neðan og finna fleiri leiðir til að draga úr umferðarhraða í götunni.

Öryggismál, úr fundargerð hverfisráðs Vesturbæjar í apríl 2014: „Umhverfis- og skipulagssvið Reykjavíkurborgar lét gera umferðartalningar í byrjun október [2013] vegna breytinga á Hofsvallagötunni. Niðurstaða talningarinnar leiddi í ljós að umferð hafi aukist um allt að 1000 bíla á sólarhring í nærliggjandi götum eftir þrengingar á Hofsvallagötunni. Þessi mikla aukning á umferð inn í hverfið ógnar öryggi barna en tveir barnmargir skólar eru í næsta nágrenni þar sem börn eiga leið í og úr skóla.“

Þetta er akrein fyrir hjólandi vegfarendur

bara burtu með þetta og ekki seinna enstrax

Hjólreiðamönnum fjölgar í umferðinni hvort sem fólki líkar betur eða verr. Það er gott fyrir alla líka þá sem kjósa einkabílinn. Væntanlega og vonandi verður hjólastígurinn á Hofsvallagötu lengdur í báða enda og þá þarf stígurinn að vera greiðfær og gengur ekki að loka honum við gatnamótin. Hjólreiðamenn vilja, alveg eins og ökumenn bíla komast leiðar sinnar hratt og örugglega.

Betra flæði gæti skapast með tvöföldun vegar á stað sem er mikill flöskustútur þegar umferðin er þyngst.

Algjörlega sammála þessari tillögu. Oft afar erfitt að beygja til vinstri inn á Hofsvallagötu frá Víðimel þar sem bílaröðin nær langleiðina að Reynimel.

Þessar stangir eru þarna því bílar voru að stífla hjólaakreinina... og fyrir vikið hafa færri treyst sér til að nýta sér hjólreiðastiginn. Það má gefa hjólreiðafólki líka sitt pláss.

Að taka niður plaststangirnar er til hagsbóta. Þá kemst aukinn fjöldi bifreiða sem beygja til hægri yfir á ljósunum. Við þurfum að fara með gát hvort eð er, enda er grænt ljós fyrir gangandi vegfarendur á sama tíma. Væri gott að setja alla hjólaumferð á götur þar sem 30 km. hámarkshraði er. Hjól, gangandi vegfarendur og bifreiðar geta farið saman í umferð.

Þetta er einmitt tillagan sem ég ætlaði að senda inn. Bæti því við að núna stafar gangandi vegfarendum á gangbrautum á alla kanta stórhætta af beygjandi bílum sem að reyna að drífa sig yfir á síðustu sek. grænaljóss. Á helst við þegar beygt er úr suðri til vesturs á myrkum morgnum þegar gangandi sást ekki vel í beygjuhorninu. Mjókkið gangstéttar ef þarf hjólreiðastíga beggja vegna. Nóg er plássið. Þessar stangir eru útí hött, hamla eðlilegu umferðarflæði um aðalæð og umferðaröryggi.

Þetta er stórhættulegt fyrir alla

Skýrir sig sjálft. Fyrir utan að það hjólreiðarfólk, sem ég sé á þessari leið, hjólar á gangbrautinni, en ekki hjólreiðarstígnum.

Skynsamlegra væri að afmarka hjólareinina enn betur, t.d. malbika hana með lituðu malbiki og setja við hana kant svo að bílar aki ekki inn á hana eða leggi á henni. En alls ekki að eyðileggja hana með því að beina bílum upp á hana við gatnamótin.

Þetta er hættulegt og tefjandi. Lítil hjolandiumferð sem notar þetta.

Taka niður stangirnar

Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk í kosninguna í verkefninu Hverfið mitt 2018. Hugmyndinni verður komið áfram sem ábendingu til samgöngudeildar umhverfis- og skipulagssviðs Reykjavíkurborgar. Hér má sjá lista yfir þær hugmyndir sem verða til kosninga í verkefninu Hverfið mitt þann 17.- 30. október nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information