Börn eru skráð á biðlista eftir leikskólaplássi við eins árs aldur. Mörg börn þurfa þó að bíða þangað til þau eru orðin tveggja ára eftir því að fá leikskólapláss. Reykjavíkurborg á að finna úrræði til að taka við öllum börnum í leikskóla þegar þau verða 12 mánaða gömul.
Fæðingarorlofssjóður greiðir foreldrum 9 mánuði af fæðingarorlofi. Það þýðir að sumir foreldrar þurfa að taka sér launalaust leyfi í meira en eitt ár með barninu sínu þangað til það kemst að á leikskóla. Stór hluti foreldra nýtir sér þjónustu dagforeldra til að brúa bilið, en sú lausn er ekki gallalaus. Dagforeldrar eru dýrari en leikskólar, börnin þurfa að ganga í gegnum tvöfallda aðlögun (fyrst hjá dagforeldri og svo á leiskóla) og ef dagforeldri er frá vinnu missa fimm foreldrar úr vinnudag.
This content is created by the open source Your Priorities citizen engagement platform designed by the non profit Citizens Foundation